08 Dec 2017, Friday

入左英皇做左都有半年時間,
由於電腦不再容許做私人野,
而且工作十分繁忙, 己經沒有時間再去打日記了

離開了佳音大半年, 己經適應了,
雖然很忙, 人事變遷都很快, 看到很多預期中的鬥爭
暫時, 形象都還算好, 起碼是備受尊重
八月的時候是非常的大壓力,
每晚OT, 連夢中都是在工作
不過, 慢慢開始PICK UP , 都係順利,
日子久了, 識到一班"正常" 的同事,
每天都很開心,
公司準備更換SYSTEM , 我都被委派做核心人員,
起初壓力都很大, 很怕自己會做得不好, 跟得不足,
吾夠班, 欠缺信心,
SO FAR , 都是順利, 希望將來都可以順利,

另外, 九月重考了車, 緊張到不得了, 又失眠又頼屎
呢種壓力真係好難去承受
練車都覺得好足夠, 信心都有既,
但一見到考官, 就成身不斷震, 結果第三個八字就失敗左....
好傷心咁返工,
一班同事為左哄我開心, 買左成枱都係野食等我返黎
好SWEET

基於自己都好吾甘心的情況下, 決定考個快期, 重考一次,
老公又話出錢支持, 無咩理由吾考吧?
可惜, 到我要交咭數時, 佢竟然話PASS 左先比我
SO SAD, 即時感到被騙

今次練車, 十分沒信心, 兩次的失敗,
覺得就算練車練得再好都無用, 考果架車好吾同,
加埋緊張, 都係死
而且我模考, 連續三個八字都係落左腳,
唉
我無信心

8/12 呢一日終於黎, 呢一日對我黎講好重要
老公又出左TRIP, 一覺訓天光咁起身,
去練一個鐘頭車, 同個同學仔好好默契咁交換字黎練
其實而家呢一刻我都己經吾記得左自己點解成功打到八字
我淨係記得我出到街果下, 己經好開心,
但當我回程返黎時有一下停車見到自己係2波停車,
我果下想暈,
" 我吾會係死係呢個位呀?"
結果我九死一生時揀左搏佢開到車,
皆因我臨考前出街果次都試過有次2波開車又開到,
返去問MISS 話因為我輕, 同埋架車又新,
竟然成功比我搏到開車, 我感動到好想喊

返到學校, 考官走埋,
我即刻望住MISS 眼淚好想流下, 但忍住, 去埋報道先,
再返黎攬住MISS!!!!!!!!" 我終於吾洗再練車啦"!!!!
好開心, 打比老公蛋己經即刻喊左出黎,
呢個過程, 好痛苦
開開心心考完車, 就緊張緊第二樣

由於己經遲黎左一個星期多D
之後同老公講好左, 考完車先驗既
買埋返公司, 等到急尿, 我就去左驗,
結果, 小天使真係來左
好開心, 又喊

諗左好耐究竟同吾同老公講, 但我又想睇佢反應,
決定佢返黎面對面先話佢知

今天, 我真係好開心

29 Mar 2017, Wednesday

基本上, 由日記, 己變月記了
哈哈

話說 1/3考車 好像沒有考過就肥左
吾開心左好耐
點解苦練左一個月, 又要緊張左一晚
最後竟然衰係緊張上...
好嬲自己

考完車, 就面臨LAST DAY + 韓國之旅啦
明明就黎吾做, 都要做到PK~
又無得教人野, 咩都要自己做
就好炆

去到16/3 同事先返工
可以教得幾多?不斷塞不斷塞,
講到聲都沙埋....

LASTDAY 18/3 仲要病左~
返吾到工~XD
我係咪教得太急~XD
好吾捨得既係一班同事,
我應該知道出左去, 就吾會再有一班咁既同事
唯有影相留念
應該都可以友誼永固既

好開心, 有衣櫃用
無意中見到珊虹係FB 放衣櫃, 正正係我想要既類型!
得到蛋的批准~19/3早上送過黎^^
無點執到野, 就要出發去機場LU~
主要係要陪寶~

不過眨下眼就過左五日之旅...
能夠可以同好朋友去旅行的感覺非常良好^^
接下來就要面對新工作啦!

話說 27/3 返工坐左一日, 自己拎文件睇,
當然係認真地睇
但大口不斷打黎, 因為入吾到佢既私人網上理財
好彩未有野做啫.....真係滴汗..

第二日下午同級就比左D 野我搞下
叫做過下日神,
大口仲約我星期六返去同佢食LUNCH
UM 有古怪~
斷估吾係叫我返去?
以佢性格無啦啦約我一定有問題
吾通掛住我咩!

即管睇下佢講咩先

21 Feb 2017, Tuesday

10號去完英皇同LIGHTING~
13號LIGHTING 就己經打黎話OK, 不過人工可能無咁高咁,
但我BOTTOM LINE 一定過2
之後佢話問下, 得吾得都會打返比我~
但係到左今日, 都未覆我~XD

不過, 心入面好強烈想等英皇,
可能見左幾份就算覺得好大機會, 但到頭來都係無左
咁所以又吾敢希望太大~
LIGHTING 又話可以星期三覆我, 所以我可以有個機會等下~
點知14號, 佢就打黎啦!!!!!!!
勁開心呀!
不過佢話20, 但我就問佢可否21
咁佢話要問下, 會晏D 答我, 開心左成日~
但之後落黎既問題, 就係要諗下, 點樣同老闆講了...

一直係到諗,
如果佢開20留我, 咁我點尼?|應該留定去?
又或者, 怕得果三日時間, 教吾晒新人D 野, 咁咪好慘?
諗好多好多野, 好驚佢鬧我, 等等~

點知同佢講完, 非常淡淡然,
好似好無所謂咁,
突然又有D 失落, 好似咁多人諗黎既擔心, 都係多餘

然後慢慢從多方面知道好多野.
就發覺, 好多野其實一早改變,
或者,.係我單方面一直高估佢對我既愛護,
或者, 一早己經吾再係以前既關係了

嗯,
我走了,
終於都要走了

10 Feb 2017, Friday

呢幾個月好勤力咁去見...
周大福就應該無左架啦...
不過都幾好經驗既....

18-23 / 1 去左關島渡蜜月...
唉, 悶到不得了, 又貴, 又無野玩,
D SHOPPING CENTRE 又細=.="
我吾明點解D BLOG 可以打到話好好玩, 好好買?
蛋尾二果日晚仲病左, 發燒添,
最後果 日基本上係酒店到比佢訓下覺ONLY~
好彩係無咩玩咋~
去美國佬地方, 真係要帶定多D 散子...
US 10 都可以吾找錢架!!!!!

P.S. 22號佢地同呀爺食生日飯,
諗住打個電話同佢講聲
點知扮聽吾到聲,,...... GOOD!

年三十吾洗返工, 去見左份全英文=.=
我完全無諗過係全英,
我望住個門口, 真係好想走=.=
頂, 痴的, IN完成件衫濕晒=.="
去左等貞放工, 一 等等左個幾鐘/...
去左天后食野~再返左調嶺~

諗住咁早, 就同媽去行下,
突然醒起貞又去寶琳花巿~
就順便帶埋袋衫去比佢~一齊行~
估吾到無約之下, 見足貞大半日~~~~

新年好快就過左~
日日都好似無休息咁~~~~
老豆就過左黎住幾日,
連妍B 家姐都黎訓左晚~^^

全英竟然打黎叫我....2IN
吾係化!!!真係咁搞笑?

上星期日去左練車,
初頭都係打吾到八字, 但始終都要面對,
慢慢掌握到點去放腳掣!
FINAL, 得左!!!!!!好開心,
仲跟左個同學仔一齊出街記路,...但, 都係吾記得的=.=
死啦....

尋日去左英皇, 同埋呀全介紹的LIGHTING ~
我心水其實當然係英皇多好多,
想試下, 學下, 識下~
不過証卷真係吾知做咩, 好似好新手咁

10 Jan 2017, Tuesday

上星期六, 老闆突然行過黎問我....XX呢?
頂, 放左工囉!
真係忍吾住咁答佢=.=

之後就無啦啦叫左我入房,
話想我轉TITLE, 比我星期六放兩點喎~
話費時吾公平,
但其實, 基本上就係對全部人都吾公平架啦.....
不過算, 既然比我放, 我緊係放.....

但出到黎, 知道老闆話三月去杜拜~
我就同D 講, 會矼吾會同我去韓國撞期呀?
佢先又話佢三月又去...
咪玩呀, 我上年訂日時己經問左你呀
你話得我先訂....
但你到頭黎吾記得,
仲要自己買機票之前吾夾下先.....

算啦, 咁你都話叫我改, 佢比~
咁咪即管試下,
但寶又發脾氣~
唉, 搞左兩日,
先開始態度軟化........

今日, 寶終於話改到假期, 咁就的起心肝去搞機票,
點知我地果張, 改期仲貴過買過張...
咁就買過張囉,
唉, 差價成五千蚊,
D 話一人一半....................聽完, 心好DOWN
我又吾想爆佢, 但其實真係吾關我事,
但又要我SUFFER, 好吾開心~
但老公蛋講左句: 算啦, 咪當電視錢囉~
咁又岩喎, 一言驚醒夢中人~
心情好返!解決晒!!^^

開開心心去旅行啦我地~~~~
.

03 Jan 2017, Tuesday

好耐無打到啦,
返工好忙....

話說上個月中, 得知一個太吾公平既消息後,
激動左我想轉工既心情,
就SEND 左兩份CV,
其中一份CTF , 第日就打黎叫我IN
不過要等呀仔放完假後返黎我先放,
19/12就去左IN, 哇, 好難,
有一篇中文, 一篇英文要作, 仲有一份ACCOUNTING PAPER~
做左我兩粒鐘....

其實覺得表現吾錯!
IN 完就去同呀爺佢地食過冬飯~
呀爺吾理我囉.......
仲要全餐飯條妖婦口UPUP 咁不斷話我
簡直人都癲

過左日, 打黎叫我第日2IN
好緊張呀~^^
不過去到, 都有第二個女仔一齊等緊
入到去HR 係咁望我D 卷,
好驚, 特別英文果份............

唉, 等消息啦
不過到今日, 都仲未收到電話....~

努力SEND CV!